Tiempo de fabas

Descripción

Tiempo de fabas ye un libro de chenero mesclizo en o que, á trabiés d’un conchunto de 48 testos, os datos autobiograficos de l’autor s’achuntan, s’enreligan e s’embolican con as ficzions literarias más barucosas. Encara que os cuentos, cuentez e cuentarrons que lo composan sigan en prenzipio independiens, en as suyas fuellas se i pueden trobar una serie de temas recurrens. Asinas, per exemplo, cal nombrar os biaches, a presenzia de Tauste –encara que tamién bi aparexcan bels atros lugars d’Aragón– a luenga aragonesa como materia narratiba e mesmo como protagonista de a narrazión, as escuelas d’antismás, os animals e más que más os tozinos que, de cabo cuan, fan o cucut per una catupla de relatos. Tot isto ye Tiempo de fabas e muito más.
Torna á aparexer en Xordica ista segunda edizión correchita e enamplata de o que de seguro ya podemos chuzgar como un de os clasicos contemporanios de a literatura en aragonés.