Obra en aragonés meridional

Descripción

Agliberto Garcés podió fer, a resultas d’una larga vida, un amplo y rico retrato d’A Sotonera, a suya redolada, y a suya chen. En os suyos romances, articlos y narracions, que gosaban tener forma de carta, publicaus entre a II Republica –anque interrumpius por a Dictadura– y a fin d’os años 80 d’o sieglo XX, reflexó buena cosa d’a historia contemporania de l’Alto Aragón. Autodidacta, dinamizador cultural y firme defensor de l’aragonés, a suya obra tenió asabela difusión, de vez que se convertiba en uno d’os principals cautivadors d’ista lengua en a prensa escrita.
En iste volumen se replega por primera vez toda a suya obra completa en aragonés, rescatando textos ineditos y una ripa que yeran espardius –y ormino olvidaus– por os periodicos. Tornamos a recuperar asinas a atro escritor imprescindible pa ista Biblioteca Pirineus que, poquet a poquet, se va fendo gran.