Descripción
Lo clasico que ha cautivato a ninos e adultos dende la suya primer publicación en 1943, en una edición a color con as acuarelas orichinals de l’autor e una nueva traducción a l’aragonés. Publicato seguntes la «Ortografía pa l’aragonés de l’Academia Aragonesa d’a Lengua».
Lo Principet vien d’una planeta apenas más gran que no él, an que b’ha baobabs e una magnifica rosa. Lo Principet adora es cabotardes. Un día, lo vido cuaranta-e-cuatre veces! Tamién ha visitato atras planetas, do viven muitos adultos importants que no li comprenden. Pero en o desierto d’o Sahara, se trobó con un piloto. Li demandó: «Debuixa-me un cordero…», e él sabió dar respuesta a las suyas preguntas. Este ye lo mío secreto. Ye muit sencillo: només se vei bien con o corazón. Lo esencial ye invisible a es uellos.
Antoine de Saint-Exupéry
(Lyón, Francia, 1900-1944)
Naix en o sino d'una antiga familia aristocratica. Dimpués de recibir educación en diversos colechios relichiosos, en rematar es estudios secundarios mira d'entrar en a Escuela Naval, pero no apreba es exámens d'ingreso. En 1920 fa lo servicio militar en a Fuerza Aeria, e a partir d'alavez l'aviación esdevién la gran pasión d'a suya vida. Publica lo suyo primer cuento en 1926, lo mesmo anyo en que encomienza la suya carrera de piloto en a companyía Latécoère. Escribe la primer novela Correu d'o sud (1928) en Cabo Juby. D'Africa se traslada ta Sudamerica con o encargo d'establir nuevas linias comercials. Allí conclui Vuelo nocturno (1931), que se publica con enorme exito e obtién lo premio Fémina. A partir de 1935, Saint-Exupéry treballa como corresponsal d'es diarios Intransigeant e Paris Soir en Rusia e Espanya. Participa en diversos raids como lo París-Saigón e lo Nueva York-Tierra d'o Fuego. Toz estos recuerdos los reconta en a suya novela Tierra d'hombres (1939). En a Segunda Guerra Mundial combate como piloto de reconoiximiento e, zaga la caita de Francia, s'instala en Nueva York. En a gran ciudat norteamericana escribe Piloto de guerra (1942) e Lo Principet (1943), cuento infantil de gran orichinalidat que lo fa universalment famoso e que ye uno d'es fenomenos literarios més importants d'o sieglo XX. Reincorporato una atra vegata a lo servicio activo en o norte d'Africa, lo 31 de chuliol de 1944 Antoine de Saint-Exupéry despega d'un campo d'aviación de Corsica pa cumplir una misión de la que no tornaría nunca.
Valoraciones
No hay valoraciones aún.