Nieus-Luzía Dueso Lascorz

(Plan, 1930-Balbastro, 2010)

Fue mayestra en muitos lugars altoaragoneses (Plan, Chistén, Uesca, Torres, Benabarre, Graus…). Va publicar poesía, cuentos, narracions, articlos e estudios, cuasi toz tenendo como protagonista la val de Chistau. Entre la suya obra cal destacar lo poemario Al canto’l Zinqueta (1980), lo libro de relatos Leyendas de l’Alto Aragón (1985), asinas como las novelas La Fuen de la Siñora (2003), Dios me’n guarde! (2007) e Santamaría (2007). Escritora en aragonés chistabín, la suya obra ye fundamental dentro d’a chicota historia d’a literatura contemporania en esta lengua.