Cleto Torrodellas

Ferrero de profesion, dixa l’ofício per prescripcion medica i pasa a fer d’aministrador de fincas d’una casa estadillana. É alavez quan se posa a escrevir los versos que le van dar tal popularidat, que de bel poema s’han trobau versions orals per la montanya de Ribagorça i Sobrarbe. Per ixo se puede dir de Cleto que, sin denguna duda, é l’autor més popular en aragonés.  
Los suyos versos i romances se van publicar sobre tot en plliegos sueltos, que él mandava fer, pa vender-los pa las fiestas d’Estadilla. Encara que tamé va publlicar-ne en prensa local, como El Ribagorzano, El Heraldo de Ribagorza u Renovación.
El suyo sobrino, Cleto Torrodellas Mur, que dimpués escrivirá como Pablo Recio, va dixar transcrita la coleccion quasi complleta de los versos i romances que ara mos retrobam en una edicion definitiva.