A casa embruixada

Descripción

Dica no fa guaire, l’Alto Aragón ye estau un territorio misterioso an que la creyencia en fuerzas sobrenaturals yera muit enradigada, especialment en es nuestros lugars e aldeyas més reconditos. La orografía d’o país, pleno de montanyas, selvas, barrancos, esplugas e ibons, ha aduyau de seguro a lo mantenimiento d’esta mentalidat d’hombre primitivo.
Per eixo, tot lo que no teneba una explicación racional s’acumulaba a estas fuerzas, como lo serol en una falsa, una tronada fiera que acotolaba la cullita u la inesperada muerte d’un ninón. E yera la figura d’a bruixa –u d’o bruixón– la encarnación per antonomasia d’estas fuerzas sobrenaturals, e que ha acompanyau a lo largo d’a historia a es habitants d’este territorio.
A casa embruixada, basada en a tradición oral altoaragonesa, reconta una historia que ya hemos puesto leyer en a literatura universal: lo pacto feito con estes sers pa aconseguir riquezas e prosperidat, a truca d’obediencia e leyaltat a la bruixa –que aquí se diz Tedera–, e tien la sabor d’os cuentos tradicionals que se repetiban contino alredor d’os fogarils.