Aguardando lo zierzo

Descripción

Aguardando lo zierzo ye la historia d’una muller que ye mora pa es cristianos e renegata d’a suya fe pa es musulmans. La suya vida transcorre a comienzos d’o siglo XVII entre Uesca e Orán, pasando per las garcholas d’a Inquisizión en Zaragoza. Ye la historia d’una muller a la qual no li se permete de tener un puesto como propio, a qui li s’aparta d’o que ama, condenada a lo destierro e la soledat, con o paisache como permanén e doloroso telón de fondo. Ye la eterna historia d’es heterodoxos, d’es diferens, d’as personas que nomás, per lo feito d’existir, despiertan la repulsa d’es temerosos e d’es intransichens.

Ánchel Conte, fendo servir una poderosa voz narradera –plena de sensibilidat e de lirismo–, denunzia la crueldat e la violenzia d’una epoca en que la muller yera tasament una mercaduría de cambio.

Aguardando lo zierzo ye una magnifica novela an la istoria ye de vez un mirallo d’o presén e d’a dignidat humana.